- 上海比香港無咁熱。
- 空氣質量呢比香港差。
- 整體城市現況有啲似十年前深圳。
- 晚上江邊飲 Coffee 居然聽到廣東歌（神哦）。
- 上海人開車呢…我覺得個個唔係 F1 車手者已經係 F3 級別。
- 街上你會以為個個都係 Iphone 但原來係 Oppo & 步步高。
- Cafe 中眼見係 Lenovo（係頂 Thinkpad）居然比 Mac Book 多，可以見得上海人性格比較務實。
- 係上海香港人都唔洗擔心無嘢食，基本上係香港有唧呢邊都有（大多數食物平三分一）。而呢邊有…香港就未必有囉。
- 週街都係美國果隻 T 字頭純電力車。唔知佢地係邊處叉電呢？
- 我張純國內上網咭（現在已無得賣）久唔久都可以上到 Facebook，我完全覺得係我個人人品問題。
- 過馬路比深圳辛苦（蒲西區）！眼見無私家車諗住行得點知反方向突然無聲無息走幾架電單車／單車出嚟…不過習慣咗又無咩特別。
- 一條油條可以街邊賣 ￥2 到商場賣 ￥6 都得。所以要食風味同平去街邊摷下有著數。
- 原來係上海想食正宗上海小籠包係一件有啲難度嘅事情。
- 上海都幾塞車，冇事冇幹食飯同上落班時間千其唔好的士。一定要坐嘅話事前請去咗洗手間先。
- 機場餐廳相比香港機場啲食物無特別貴感覺，上次我媽係香港機場食咗碗 $98 菜都唔多條又無嘢飯齋「叉燒飯一碗」呢啲情況上海無囉。
- 不過好奇怪，上海一般服務人員態度及水平比不深圳更不及香港。
- 小龍蝦系上海非常之火，真系甘好食咩？
- 普遍嚟講上海人鍾意食甜，所以蛋糕、格仔餅…隨處可見，連香港嘅雞蛋仔都有（不過未見到有人買）。
- 上海市民生活消費豐儉由人，一般物價方面平過深圳少少少少。
- 蒲西區樓價同香港新界區差不多。
- 上海人好多都係講上海話嘅。
小總結：上海硬件齊全，所欠係軟件。值得去流覽，值得去發展。
留言
張貼留言